सोन्या -चांदीच्या दरात मोठा उलटफेर; मकर संक्रातीपूर्वी किमतीत उलथापालथ
आठवड्याच्या सुरुवातिला सोनं आणि चांदीच्या किमतीत तगडी वाढ झालेली दिसली. पण आज मात्र किमतीत मोठा उलटफेर पाहायला मिळत आहे.
प्रतिनिधी अरुण सुरवाडे:
सराफा बाजारात सोन्याचे आणि चांदीचे दर काल तूफान वाढलेले पाहायला मिळाले. आठवड्याची सुरुवात सोनं आणि चांदीच्या दराने सुस्साट केली आहे. सोनं आणि चांदीचे दर मागील काही दिवसांपासून वाढीचा जोर पकडत आहे. अमेरिका व्हेनेझुएलामधील तणाव असो किंवा अमेरिकाचा सिरीयावरील हल्ला असो या सगळ्याचा परिणाम आता जगावर होताना दिसत आहे. सोनं आणि चांदीच्या किमतीवर याचा परिणाम होताना दिसत आहे.
आज 13 जानेवारी 2026 रोजी आंतरराष्ट्रीय बाजारात सोने आणि चांदीच्या किमतीत लक्षणीय घट होत आहे. मकर संक्रांतीच्या एक दिवस आधी झालेल्या किमतीतील घसरण गुंतवणूकदारांसाठी एक मोठा धक्का आहे. कालच देशांतर्गत आणि आंतरराष्ट्रीय बाजारात सोने आणि चांदीच्या किमती नवीन उच्चांक गाठल्या, परंतु आज COMEX वर सोने 4, 603.70 डॉलर प्रति औंसवर घसरले. चांदी देखील 84.105 डॉलर प्रति औंसवर घसरली. आज मल्टी कमोडिटी एक्सचेंज ऑफ इंडिया (MCX) प्रति दहा ग्रॅम ₹1,41,770 आणि चांदी ₹2,68,915 प्रति किलोग्रॅमवर इतकी आहे.
आजच्या सोने आणि चांदीच्या किमती
आज सोने आणि चांदीच्या किमतीत घट झाली असली तरी, सोने आणि चांदीच्या किमती त्यांच्या विक्रमी उच्चांकाच्या जवळ आहेत. भारतात 24 कॅरेट सोन्याची किंमत आज प्रति दहा ग्रॅम ₹1,42,160 वर पोहोचली. याशिवाय, 22 कॅरेट सोन्याचा भाव प्रति 10 ग्रॅम 130,310 रुपये झाला, तर 18 कॅरेट सोन्याचा भाव प्रति 10 ग्रॅम 106,620 रुपये झाला. चांदीचा भावही प्रति किलो 270,100 रुपये झाला.
उद्या मकरसंक्रात असून आज सोनं आणि चांदीचे दर कमी झाले आहे. वर्षाच्या पहिल्या सणाला सोनं खरेदी करण्याचा विचार असेल तर किमती आवाक्याबाहेर आहेत. पण गुंतवणूकदारांसाठी ही बातमी महत्त्वाची ठरेल. मागील वर्षी ही तगडा रिटर्न सोनं आणि चांदीमधून मिळाला होता आणि यंदाही वर्षाची सुरुवातच अशी झाली असल्याने या ही वर्षी गुंतवणूकदार खुश होतील.
